Fjellturar

Her kan du gå på fleire turar direkte frå campingplassen. Mektige Saudehornet som tronar over bygda er ein sikker vinnar hos mange, men du kan også nøye deg med ein tur til ei hengekøy som gir ei nydeleg fjordutsikt. 

Hjørundfjorden har mange utroleg flotte fjellturar der du ser rett ned i fjorden frå tindane. Nesten uansett kva for ein tur du vel å ta, så er du garantert utsikt som er av dei fremste i Noreg.

Her finn ein av dei vakraste dalane i Noreg, Molladalen. Dette er eit ynda klatreparadis. Men stranda med dei tre bygdene har og mykje anna flott å by på både høgt og lavt i fjellet. 

Nabokommunen har også fleire flotte turmål. Galten er for dei som ikkje har høgdeskrekk og som søkjer eit tøft bilete til Instagram, medan Tyssedalen gir mange ulike inntrykk på turen opp.